Saan a bumaba iti 14 a tattao ti pimmusay bayat a dinosdosena dagiti nadangran iti napasamak a tignay protesta idiay Nepal kalpasan nga imparit ti gobyerno sadiay ti panagaramat iti social media.
Karaman kadagiti 16 social media platforms a nai-ban iti nasao a pagilian ti Facebook, X wenno sigud a twitter, ken ti YouTube.
Gapu iti dayta,nagrally dagiti tattao iti Nepalese Parliament building nu sadino, ginandatda pay a serken daytoy a maatap a nangpwersa kadagiti riot police nga agretreat ken agaramat iti tear gas ken water cannon.
Gapu ta basbassit ti bilang dagiti kameng iti pulisya ken impangrunada a protektaran ti uneg ti parliament complex, daduma kadagitoy ti nagpaputok iti paltog.
Nagtalinaed ti tensyon iti nasao a lugar rason nga inwaragawag ti gobyerno ti curfew iti Nepalese Parliament building kasta metten iti government secretariat, presidential house,ken daduma pay a key parts iti capital city a Kathmandu.
Iti nasao a rally, ipukpukkaw dagiti tattao ti panakaisardeng ti korapsyon saan ketdi a ti social media.
