Nainget a pinaglibakan ni Department of the Interior and Local Government (DILG) Secretary Jonvic Remulla dagiti sayungguseng a nakaawat ti espesyal a panagtrato ti kontraktor a ni Curlee Discaya kalpasan a naarestar daytoy seknan iti kaso a malversation without bail seknan iti naanomalyaan a flood control projects iti pagilian.
Sigun kenni Remulla, awan kinaagpaysuanna dagiti nasao nga alegasyon a maprotprotektaran ni Discaya gapu iti maatap a koneksyon daytoy kadagiti dadakel a personalidad iti politika.
“Mayroon kasing mga reports na dahil marami silang mga ka-deal na bigtime congressman, bigtime senators na poprotektahan sila,” sigun kenni Remulla.
Nupay kasta, inlawlawag ni Remulla a kas kadagiti dadduma a detainees, maibalud ni Discaya iti regular a detention facility.
“They are here at ilalagay sila sa regular na selda, katulad sa mga senador na regular na selda rin,” innayon daytoy.
Inlawlawagna metlaeng a ti korte ti agdesisyon nu ayna ti pakaibaludan ni Discaya bayat iti panadengeng ti kaso daytoy.
Kabayatanna, dinakamat met ti Interior Secretary nga agtultuloy ti imbestigasyon iti maatap a flood control scam ken namnamaen daytoy ti pannakaaresto dagiti dadduma pay a personalidad nga adda pakainaiganna iti operasyon.
“Itong flood control mess ay moving forward makikita n’yo at sa mga darating pang panahon ay mas marami pa kaming mahuhuli,” sigun kenni Remulla.
Maipalagip nga immunan a naarestar ti asawa ni Curlee a ni Sarah Discaya, a mannarimaan a nakabalud idiay Lapu-Lapu City Jail idiay Cebu.
Maipalagip metlaeng a nadetain ni Curlee Discaya iti siyam a bulan iti kustodiya ti senado kalpasan a na-cite in contempt daytoy idi Setyembre 2025 iti serye ti panagdengngeg ti Senate Blue Ribbon Committee sakbay a naarestar manen daytoy gapu iti pakainaiganna iti flood control anomaly iti pagilian. //bombokaren.c.sapirao
