Pamilyar kayo kadi kenni St.Bernard ,ti aso nga adaan lahi nga agsersebi kas maysa kadagiti mangipapaay iti linglingay kadagiti turista ti tourist spot ti siudad kas iti mines view?
Nabayagen daytoy nga agserserbi kas maysa metlaeng nga attraction dagiti turista nu sadino mabalin nga agpapicture ditoy ngem adaan daytoy iti bayad a 20 pesos.
Adu met dagiti turista iti maayatan ditoy ,ubing man wenno nataengan ket agpapictureda gapu iti kinapintas ken kinadakkel daytoy.
Nupay kasta , agraraira ti social media etay nabiit iti panangibinsa-binsa ti maysa a turista iti pablaak daytoy nga arigna a saan a maay-aywana iti nasao nga aso gaputa saan a nadalusan ti mukatna ken agkakapsot daytoy.
Adu met dagiti nitizens iti nangipaay iti komento ditoy nu sadino nasken nga paserdengandan daytoy nga agtrabaho ta manu metten a tawen a daytoy ti inar-aramid ti nasao nga aso.
Patien met dagiti daduma nga posible nga agkakapsut ti aso gaputa sigun ti turista a nangipablaak ket saanna a kayat iti ipapaaramid ti amo daytoy.
Posible met a makapaspasar ti aso ti stress rason a kastoy nga arigna nga agkakapsot.
Gapu iti dayta, nasken nga ipaayan daytoy iti pakaseknan ti amo daytoy gaputa posible pay a kumapsot iti nasao nga aso nu saan a maaywanan a naimbag.
Sigun pay iti pablaak ti nasao a turista ,arigna a saan a nadigdigos ti nasao nga aso.
Gapu iti daytoy,dakkel ti posibilidad daytoy a makaptan ti sakit gaputa saan a mamintinir ti kinadalusna.
Posible pay daytoy a maysa a factor tapnu saan nga asitgan wenno agpapicture dagiti turista.
Gapu ti daytoy,nasken nga ken rumbeng lang a maaywanan iti nasao nga aso gaputa daytoy ket ar-aramidenda pagkakitaan ken nasken lang a maipaay ti pagkasapulan iti aso kas kuma iti treats , wenno taraon a naimas gaputa dakkel iti kontribusion daytoy iti livelihood ti amona.
Karaman pay ditoy iti panangikonsidera ti amona a paenanaen iti aso nangruna nu nabayag daytoyen nga nagserbi kas atraksion dagiti turista.
Maudi iti dayta, karbengan dagiti amin a dengwen nangruna dagiti aso a maayat ken maaywanan gaputa paset daytoy iti responsibilidad ti amoda sipud pay iti nagdesisyonda nga agaywan wenno agtaraken ti aso.//Bombo Raz Pagoli
