Naipresenta iti panagdengngeg ti House Committee on Justice dagiti Statement of Assets, Liabilities, and Net Worth (SALN) ni Vice Preisdent Sara Duterte no sadino nakita ti House panel nga awan ti indeklara daytoy a petty cash wenno cash deposits manipud 2019 agingga 2024, iti tenga ti panangngato ti net worth daytoy.
Sigun iti naipresenta a dokumento iti komite, naaddaan ti liquid assets ni Vice President Sara idi napalabas a tawen pakairamanan ti milyon a cash ken deposits manipud idi 2007 agingga 2018 ngem killaat daytoy a naawan iti deklarasyon daytoy manipud 2019.
Sigun iti rekord, ti net worth ni Vice President Sara Duterte ket ngimmato manipud P7.2 milyon agingga P88.6 milyon idi 2024 bayat iti panangtugaw daytoy iti nagduduma a posisyon.
Kabayatanna saan a dagos a nangipaay ti kampo ni Vice President Duterte ti statement. Sigun kenni Atty. Michael Poa, awan pay laeng ti maipaay dagitoy nga official statement. //bombokaren.c.s
