Pinilaan dagiti turista ken residente ti Strawberry Cake fest a naipatungal iti Municipal Gym ti La Trinidad, Benguet ita nga aldaw.
Ti nasao nga aktibidad ket maysa kadagiti hightligt iti manarimaan a Strawberry Festival.
Balligi a nailako ti rinibribo nga slices ti strawberry cake no sadino nailako daytoy iti P35 ti tunggal slice.
Maipalagip nga iti pannakiuman iti Bombo Radyo kenni Valred Olsim, Municipal Tourism Officer iti munisipyo ti La Trinidad, kinunana a ti giant kayabang cake ita a tawen ket kas tributeda para iti 2004 Guinness Book World Record Holder a Giant Strawberry Cake.
Ti Semek ket Ibaloi a termino nga addaan iti kaipapanan nga ayat no sadino kinuna ni Olsim a ti kasayaatan a wagas tapno maipakita ti ayatda iti nasao a munisipyo ket ti pangital-oda kadagiti naisangsangayan a produkto ti La Trinidad nga strawberry ken dadduma pay nga agricultural products.
