Ur-urayen ti Land Transportation Franchising and Regulatory Board ti balakad ti Department of Transportation maipapan iti P1.6 Billion a pondo para iti subsidies iti public transportation sector gapu iti panagngato ti presio ti gasolina itay nabiit.
Sigun kenni Rino Abad, Director ti Department of Energy Oil Industry Management Bureau, mabalin nga agepektibo ti nasao a subsidy program gaputta dimmanon iti $80 ti tunggal barrel ti petrolyo.
Iti sidung ti nasao a subsidy, maipaayan dagiti operators ken drivers ti modern jeepney ti P10,000 a gatad ti fuel subsidy bayat a P6,500 kadati buses, mini bus, school bus, taxi, ken traditional jeepneys bayat a P1,200 kadagiti delivery riders ken P1,000 para kadagiti tricycle drivers.
Nu pay kasta, inaklon ni Teofilo Gaudiz Chairperson ti Land Transportation Franchising and Regulatory Board (LTFRB) nga adda ti problema dagitoy iti pannakaiwaras ti ayuda kadagiti tricycle drivers gaputta ti Department of the Interior and Local Government (DILG) ti mangasikaso iit daytoy.
Kabayatanna, dadduma kadagiti Public Utility Jeepneys (PUJ) ti mangaw-awag iti pannakaingato ti plete iti baet ti panagngato ti presio ti gasolina, imbes a ti subsidy.
