Temporaryo a kinanselar ti Philippine Airlines (PAL) dagiti dadduma a byahe paturong sadiay Middle East kalpasan iti panag-atake sadiay.
Dagiti nakaselar a byahe ket dagiti sumaganad:
PR684 (Manila–Doha)
PR655 (Riyadh–Manila)
PR659 (Dubai–Manila)
Marso 1, 2026
PR685 (Doha–Manila)
Iti pakdaar nga impablaak ni Philippine Airlines, nakanselar dagitoy gapu iti “restrictions in flight operation” kadagiti maseknan a Middle East stations.
Napasubli met dagiti dadduma a flight pasubli Manila.
Kabayatanna, inyanunsyo met ti Cebu Pacific ti panangkanselar kadagiti dadduma a byahe dagitoy partikular iti flights 5J 14/15 Manila–Dubai–Manila a naka-iskedyul inton Marso 1.
Alalukoyen met ti New NAIA Infra Corporation (NNIC) dagiti pasahero a i-check pay dagity dagiti status ti flights da sakbay da nga agturong kadagiti eropuerto iti pagilian.//BomboKCS
