Nakumpirmar a dadduma a kaso ti mpox iti pagilian idi 2022 ket addaan iti human immunodeficiency virus (HIV).
Nupay kasta, inlawlawag dagiti infectious disease expert ita nga aldaw nga awan ti aktual a koneksion dagiti dua a nasao a virus.
Immunan a kinuna dagiti infectious disease expert a dakdakkel ti risgo dagiti sexually active nga indibidual a makaala iti mpox, agsipudta mabalin a mayakar ti virus babaen iti skin-to-skin contact.
Maipalagip a kinuna pay ti Department of Health (DOH) a mabalin a mayakar ti mpox, saan laeng a babaen iti non-sexual skin-to-skin contact no diket babaen pay iti seksual a pannakilangen kadagiti naimpektaran nga indibidual.
Malaksid iti dayta, nagpakdaar pay ti nasao nga ahensia a mabalin a maakaran iti mpox ti asinoman, ken mabalin a mayakar ti virus babaen kadagiti kontaminado a materiales a kas kadagiti nausar a kawes wenno alikamen, wenno babaen kadagiti naimpektaran nga ayup.
