--Ads--
Naituding a maipasidong iti DNA testing dagiti sumagmamano a tulang a nasarakan iti Taal Lake.
Daytoy ket tapno maammuan no tulang daytoy ti tao wenno dagitoy dagiti tulang dagiti mapukpukaw a sabungeros.
Impakaammo metten ti Department of Justice nga agala dagitoy iti DNA samples manipud kadagiti sumagmamano a pamilya dagiti nasao a sabungeros.
Sigun kenni DOJ spokesperson Mico Clavano, ti aramiden dagitoy ket agalada iti DNA samples kadagiti pamilya dagiti biktima tapno imatch-da iti DNA dagiti narekober dagitoy a tulang.
Kinunana nga iti kanito a saan nga agmatch ti DNA, imbestigaranda no sabali daytoy a murder case.
Iti agdama, makikikoordinar dagitoy kenni forensic pathologist Raquel Fortun para iti panakabigbig dagiti nasao a tulang.
