Inwaragawag ti Philippine Navy a siam a barko ti People’s Liberation Army (PLA) Navy ti naimatanganda iti amianan a baybay ti Luzon.
Sigun iti Philippine Navy, mabalin nga adda dagiti barko tapno bantayan ti nagtipon a panagsanay iti nagbaetan dagiti suldado ti Pilipino ken Amerika.
Karaman kadagitoy ti aircraft carrier a Shandong (CV-17); innem nga escort warship, agraman dagiti destroyer ken frigate; ken dua a suporta a bangka.
Sigun kenni Rear Admiral Roy Vincent Trinidad, Navy spokesperson for the West Philippine Sea, maysa kadagiti dakkel ken naisangsangayan a “formation” ti naimatanganda.
Umuna a namonitor dagiti barko ti China idi Martes, Abril baente dos.
Sigun met kadagiti dadduma nga opisial ti Philippine Navy,inusar laeng dagiti barko ti China ti karbenganda a panaglabas a maipalubos iti sidong ti United Nations Convention on the Law of the Sea wenno UNCLOS.
