BAGUIO CITY – Agarup 40 a mountaineers ken trekkers ti manamnama a makipaset iti Kibungan SUMMER CLIMB 2019: “The Rocky Wall Experience”.
Mangrugi daytoy ita nga aldaw, May 3 ken agleppas inton Dominggo, May 5.
Sigun kenni Charo Solimen, Municipal Tourism Officer ti Kibungan, agserbi a ruta iti tallo nga aldaw a trekking activitiy iti maaw-awagan a Kibungan Circuit Route a saksakupen dagiti barangay ti Poblacion, Palina ken Tacadang.
Kinunana a karaman iti dalyasaten ken mabuya dagiti hikers dagiti nangangato a bantay kas iti Mt. Tagpew ken Mt. Tagpaya, dagiti rice terraces ken ado a karayan.
Guyguyuguyenda pay dagiti hikers nga interesado a makipaset iti summer climb nga agparehistro dagitoy ita nga umuna nga aldaw ti summer climb.
Dinakamatna a P1,500.00 ti Registration Fee a para iti climb certificate, climb t-shirt, token, entrance fee, environmental fee, guide fee ken taraon.
