--Ads--
BAGUIO CITY- Umdas ita ti suplay ti danum iti siudad para iti summer season.
Iti pannakiuman iti Bombo Radyo kenni Mayor Benjamin Magalong, kinunana a naangay ti panagtataripnong dagitoy iti Baguio Water District partikular kadagiti Board members iti top management.
Kasaruno daytoy iti panagsagana ti siudad para iti panawen ti tikag.
Sigun kenni Mayor Magalong, naipasigurado a saan a marigatan ti siudad ti Baguio seknan iti suplay ti danum kabayatan ti summer.
Resulta daytoy iti pannakaaramid dagiti baro a deep wells ken ti panagtudo iti siudad.
Kabayatanna, kinuna ti nasao nga opisial nga agtultuloy ti random water testing tapno mapagtalinaed ti kinatalged ti danum iti siudad.//mp4
