Impanamnaman ni President Ferdinand “Bongbong” Marcos Jr. nga umdas ti suplay ti produkto a petrolyo iti pagilian iti las-od ti agarup-kumurang 45 nga aldaw iti tenga ti pangta iti suplay ti nasao a produkto.
Sigun iti president , awan ti kasapulan a pagdanagan ken awan ti rason nga agpanic ti publiko.
Inbilin daytoy iti Department of Energy nga ammuenda ti mannarimaan nga imbentarso ti diesel, gasoline, kerosene, ken jet fuel ken siguraduenda ti agtultuloy a panangbiruk iti kanayunan a supplier.
Dinakamat ni President Ferdinand Marcos Jr. a saan pay laeng a sigurado no agingga kaano a maapektaran ti pagilian gapu iti mapaspasamak idiay Middle East.
Kinunana nga agtultuloy ita ti pannakikoordinarda kiti dadduma pay a supplier ken partner coutries.
Innnayon pay daytoy a nupay saan a sigurado ti pangmatagalan a suplay, manamnama nga agtultuloy ti panagsampet ti petrolyo iti pagilian iti sakbay ti 45 nga aldaw gapu kadagiti matartarimaan paylaeng a kasundoan. //bombokaren.c.s
