Limitado ti suplay ti purified cobra anti-venom vaccines, sigun iti Department of Health-Cordillera.
Sigun kenni Jethro Simeon,Senior Health Program Officer iti nasao nga opisina, maipangruna a maipaayan dagiti lugar a kadawyan a pakasarsarakan iti Philippine Cobra gapu iti kinakurang iti suplay daytoy.
Kinuna ti health officer, espesyal a kita dagiti anti-venom vaccines gapu ta ar-aramiden dagitoy ti Research Institute of Tropical Medicine (RITM) no sadino, dagiti laeng health fcilities ti mabalin wenno posible nga agorder wenno agrequest kadagitoy ken saan a dagiti pribado nga indibidual.
Karaman kadagiti kasapulan nga isubmitir nu agkiddaw iti nasao a bakuna ket ti snakebite case census ken snakebite case investigation form para kadagiti pasyente a nabakunaan manipud Enero a uno ita a tawen.
Innayonna a nakadepende iti kinakaro iti snakebite ti maipaay a dosage iti anti-venom vaccine.
Para iti mild case, maysa a dose laeng ti maipaay, tallo iti moderate case, bayat a lima met a doses para iti severe case.
Kabayatanna, idi bulan iti Pebrero, dumanon iti P3-K ti presyo ti nasao a bakuna.
