--Ads--
Agtultuloy ti panangmonitor ti Department of Health (DOH) iti panagwaras ti pertussis iti pagilian, kalpasan ti panagreggetda para iti immunization kontra iti nasao a sakit.
Nupay kasta, immuna nga inaklon ni Health Undersecretary Eric Tayag nga awan ti umdas a bakuna ti pagilian a manglaban iti nasao a sakit.
Kabayatanna, inrekomendar ni Senador Francis Tolentino iti publiko nga agusar ti herbal medicine, kas iti lagundi bayat ti panangur-uray iti baro a suplay ti bakuna.
Iti agdama, namnamaen ti Department of Health ti agarup 1 Million doses dagiti bakuna ti pertussis a sumangpet inton Hunio iti agdama a tawen.
