BAGUIO CITY – Impanamnama ni Baguio City Mayor Benjamin Magalong iti agtultuloy a suporta ti lokal a gobierno ti siudad iti kampanya kontra iti Human Immunodeficiency Virus a mangitunda itiacquired immunodeficiency syndrome wenno ti HIV-AIDS.
Kasaruno daytoy iti panangidaulona iti candle lighting a naipatungpal kabayatan ti flag raising ceremony para iti international AIDS candle lighting memorial itay nabiit.
Kinunana nga iti baet ti kinaawan iti umdas a pondo para iti nasao a kampanya ket maipaspasigurado latta ti suporta dagitoy babaen iti human resource, programa ken adbokasiya ti City Health Services seknan iti sakit nga HIV AIDS.
Malaksid iti daytoy, kinunana nga aktibo ti siudad a mangipatungpal iti information drive tapnu maliklikan iti panagwaras ti nasao a sakit.
