BAGUIO CITY- Naisayangkat ti surprise drug testing iti Bureau of Jail Management and Penology- Male Dormitory iti suidad ti Baguio.
Maibasar iti datos ti nasao nga ahensia, dumanon iti 225 dagiti Persons Deprived of Liberty (PDLS) sadiay.
Manipud iti nasao a bilang, 30% ti naipasidong iti drug test.
Kabayatanna, naipasidong metlaeng iti drug test dagiti amin nga personnel ti Bureau of Jail Management and Penology- Male Dormitory iti suidad.
Ti nasao nga aktibidad ket indauluan dagiti kameng ti National Bureau of Investigation (NBI).
Iti pannakiuman ti Bombo Radyo kenni Jail Chief Inspector John Wayland Lapon ti Bureau of Jail Management and Penology- Male Dormitory, paggep iti nasao nga aktibidad a masigurado nga agtultuloy a drug free ti nasao a pagbaludan.
Panggep metlaeng daytoy a maipakaammo iti publiko nga awan kadagiti personnel ken PDLS ti agar-aramat ti droga.
Malaksid iti dayta, masigurado metlaeng nga awan ti maiserrek a droga iti nasao a pasilidad.
Sigun keni Jail Chief Inspector Lapon, quarterly daytoy a maipatpatungpal.
Maipalagip a naipaayan ti pammadayaw ti nasao a pasilidad kas drug free facility idi 2020 no sadino, kalikagumanda a mamintiner daytoy.//Bombo Noveh Organo
