Impasigurado ti Presidential Communications Office (PCO) nga agtignay ti Malacañang Palace kadagiti agiwarwaras iti deepfake videos a mangibagbaga nga imbilin ni President Ferdinand Marcos Jr. dagiti otoridad, tapno rautenda ti maysa a pagilian.
Sigun kenni Patricia Kayle Martin, Assistant Secretary ti Presidential Communications Office (PCO), nakiuman ti ahensia dagitoy iti Department of Information and Communications Technology (DICT) ken ti National Security Council (NSC) tapno mangisayangkat ti imbestigasion.
Innayon pay ni Martin, a maibasar iti kaudian nga imbestigasion ti Department of Information and Communications Technology (DICT), ganggannaet nga aktor ti adda iti likudan dagiti nasao a deepfake videos a nasken a maipaayan ti panangikaso, agsipudta makapadanag iti posibilidad a madadael ti relasion ti Pilipinas kadagiti sabali a pagilian.
Kagiddan daytoy, indagadag ti Presidential Communications Office (PCO) ti publiko nga agbalinda a kritikal ken agannad kadagiti peke a damag.
