An-anopen dagiti otoridad ti gunmen a nagaramat iti automatic rifles a nangpalpaltog iti maysa a grupo dagiti lallaki a nakatayan ti maysa nga indibidual ken nakadangran metlaeng dagiti dua nga indibidual iti igid ti karayan idiay Sitio Burobor, Barangay Bangcagan, Bucay, Abra.
Nabigbig ti pimmusay a ni Johnny Trinidad, 57-anyos manipud Pagala, Bucay bayat a dagiti dua a nadangran ket da Arnold Anquillano Trinidad ken Joshua Marquez manipud Poblacion, Tubo.
Maibasar iti report, agiinum dagiti tallo iti maysa a nipa hut iti igid ti karayan ngem kellaat a dagus a nagpaputok ti nakamotor a lalaki a saan pay a nabigbig.
Dagus met a naitaray dagiti biktima idiay Bucay District Hospital ngem naideklara metlaeng ni Marilag a pimmusay daytoy bayat a dagiti dua a kaduana ket naiyalis dagitoy iti Abra Provincial Hospital para iti naan-anay a pannakaagas.
