Adda paylaeng iti Pilipinas ni suspended Bamban, Tarlac Mayor Alice Guo.
Daytoy ti impakaamo ti abogadona ita nga aldaw nu sadinno, ikagkagumaan ti Office of the Sergeant-at-Arms (OSAA) iti Senado a biruken ken tiliwen daytoy.
“…Pero 100% nasa Pilipinas siya.”
Guo’s lawyer Atty. Stephen David
Sigun kenni Atty. Stephen David, abogado ni Guo, nakatungtungna idi kalman ni Guo ngem saanna nga ammo nu sadinno daytoy.
Binalakadan ni David ti mayor a makipaset daytoy iti panagdinggeg ti Senado ngem nagkedked daytoy gapu iti kondisionna iti pisikal ken emosional kalpasan a na-trauma manipod iti napalabas a panagdinggeg.
Kabayatanna, para kenn David, saanen nga epektibo a “resource person” ni Guo iti panagdinggeg ti Senado gapu iti peggad ti “self-incrimination” nu sadinno, naipila metten dagiti kaso kriminal maibusor kenkuana.
Maipalagip a nangipaulog ti Senado ti arrest order kontra kenni Guo ken pito a dadduma pay nga indibidual gapu iti maulit-ulit a saanda a pannakipaset iti imbestigasion mainaig iti na-raid a POGO hub idiay Bamban, Tarlac.
