Inwaragawag ni US maritime security expert Ray Powell nga adda ti tallo a barko ti China Coast Guard a nakita iti asideg ti El Nido, Palawan.
Maibasar iti monitoring, 35 nautical miles wenno 65 kilometers ti distansiya dagiti barko ti China manipud El Nino.
Sigun kenni Powell, makapaalarma daytoy ken mangipakpakita iti agtultuloy a panangtagikua ti China iti teritoryo ti Pilipinas.
Dinakamat ti nasao nga opisyal a dagiti nakita a barko ti China ket nagtaud iti Scarborough shoal sakbay a nagturong idiay El Nido idi kalman ti agsapa tapno mangipatungpal iti “intrusive patrol”.
Maipalagip nga idi metlaeng napan a lawas ket adda ti nakita a maysa a dakkel a Chinese research vessel a Lan Hai 101 iti asideg ti Palawan ngem sigun met iti Philippine Navy, nagna laeng ti nasao a barko iti nasao a taaw gapu iti saan a napintas a sasaaden ti panawen.
