--Ads--
Manarimaan ti panagsapul dagiti Toronto Police kadagiti tallo a lalaki a suspek iti pammaltog a nakadangran ti sangapulo ket dua nga indibidual iti maysa a balay-paginuman idiay Canada.
Awan met kadagiti nadangran ti kritikal ti kondisionna wenno “life threatening,” sigun iti pablaak ti Toronto police.
Innem kadagiti nadangran ket addaan ti tama ti bala.
Dagiti biktima ket agtawen manipod iti baente agingga singkwenta.
Sigun kenni Toronto Mayor Olivia, nariribukan daytoy idi nangngeganna ti report nga adda ti shooting iti maysa a balay-paginuman.
Nupay kasta, impasiguradona nga aramidenda ti amin.
