--Ads--
Mangrugi ita a May 8 ti tallo nga aldaw a ceasefire iti Russia ken Ukraine.
Daytoy ket sakbay ti panakarambak iti Victory Day iti Russia inton bigat, May 9.
Immunan nga inwaragawag ni Russian President Vladimir Putin ti temporaryo a ceasefire bayat a malagep ti 80th anniversary iti panagballigi iti Soviet Union kontra iti Nazi Germany idi 1945.
Ti nasao a ceasefire ket agpatengga laeng inton May 10.
Sigun iti report, awan ti napasamak a negosasyon iti nagbaetan iti Russia ken Ukraine mainaig iti daytoy nu sadino, sigun met iti Russia, masapol laeng a sumurot ti Ukraine iti lead daytoy.
Kabayatanna, manamnama met a makipaset ni Chinese President Xi Jinping ken daduma pay a dadaulo dagiti pagilian a gayyem iti Russia iti nasao Victory Day.
