Pimmusay ti tallo nga estudiante bayat a nasugatan ti 11 gapu iti shooting incident iti uneg ti San Jose National High School idiay Barangay San Jose,Tacloban City iti pasado 9 a.m idi Lunes, June 22, 2026.
Sigun kadagiti otoridad, manarimaan ti pannakataming dagiti nasugatan.
Kabayatanna, idagdagadag ti Tacloban City Police Station (TCPO) dagiti addaan iti impormasion seknan iti napasamak nga insidente a makikoordinar dagitoy iti pulisya.
Impasigurado ti TCPO a manarimaan ti koordinasion dagitoy kadagiti maseknan nga ahensiya ken dagiti otoridad iti pagadalan tapno mamintiner ti talna, siguridad ken tapno mapribentaran ti kapada nga insidente.
Mainaig iti dayta, kinundinar ti Police Regional Office-8 ti napasamak nga insidente ken kidkiddawenda iti publiko nga agtalinaed a kalmado, liklikan ti panagiwaras iti saan a beripikado nga impormasion, ken ipaay kadagiti otoridad ti impormasion a makatulong iti imbestigasion.
Iti agdama, manarimaan paylaeng ti imbestigasion dagiti maseknan nga otoridad.
Karasuruno ti napasamak nga insidente, nasuspinder ti klase iti San Jose Central School, Manlurip Elementary School, ken San Jose National High School.
