Nagbakwit dagiti tallo pulo ket tallo nga indibidual bayat a siyam a babbalay ti nailista a partially damaged idiay Lubuagan Kalinga ita nga aldaw.
Iti pannakiuman ti Bombo Radyo kenni Rommel Salbang Municipal Disaster Risk Reduction Management Officer idiay Lubuagan, Kalinga, kinunana a nainget latta ti panagbantay dagitoy kadagiti aglawlaw iti masakupanda a probinsya.
Daytoy ket kagiddan metlaeng iti nairekord a partially damaged a babbalay sadiay.
Sigun kenkuana, dagiti partially damaged a pagtaengan ket karaman kadagiti natupakan kadagiti kaykayo, nagaburan gapu iti panagreggaay ti daga ken dadduma pay.
Dagiti met kaaduan a nadadael iti daytoy ket dagiti babbalay a naaramid iti light materials.
Kabayatanna, dagiti met nagbakwit nga umili sadiay ket nagturongda kadagiti babbalay dagiti kakabagyanda, bayat a dagiti dadduma ket nagbakwit kadagiti barangay halls.
Kinunana met a nangipaay metten dagitoy iti tulong kas iti food packs ken dadduma pay kadagiti evacuees.
Iti sabali a bangir, nakapasar met dagitoy iti power interruption gapu paylaeng kadagiti natumba a kayo, natinnag a kaykayo ken dadduma pay.
Nakapasar metlaeng dagitoy iti panagreggaay ti daga gapu paylaeng iti agtultuloy a panagbayakabak ti tudo.
