--Ads--

BAGUIO CITY – Napaay ni Team Lakay fighter John Cris ‘Happy Feet’ Corton iti kampanya daytoy a manggibus iti naudi ken nagsaruno a panaka-abakna iti tay-ak ti mix martial arts (MMA).
Daytoy ket kalpasan a naabak ti Igorot iti panagsangoda kenni Magomed Idrisov ti Russia iti flyweight division iti undercard ti Brave Combat Federation 41 a naangay sadiay Bahrain idi rabii.
Naabak ni Corton babaen iti unanimous decision kalpasan ti tallo a rikos ti panagbalubalda kenni Idrisov.
Ni Corton ti kaunaan a fighter ti Team Lakay a naipasungalngal iti octagon manipud nangrugi ti pandemya iti sangalubongan idi Marso gapu iti COVID-19.