Balligi a nagun-od ti Team Poomsae ti balitok a medalya iti elementary boys category nga imbagi da Enrique Manuel B. Oglayon, Wentworth Tertius Tamayo,ken Jheron C. Cristobal.
Iti panakiuman ti Bombo Radyo kenni Edgar Madlaing, Regional Sports Coordinator ti Department of Education – Cordillera, malaksid iti balitok a medalya a naala ti delegasyon ti rehiyon, adda metten naala dagitoy a tallo a silver medal, ken innem a bronze medal sipud nagay-ayam dagiti atleta idi Hulyo 10 ken Hulyo 11.
Sigun kenni Madlaing, adu pay dagiti mapadpadaanan nga ay-ayam nangruna kadagiti fighting games wenno combat sports pakairamanan ti Taekwondo, Wushu, kasta metten ti Arnis.
Kabayatanna, mapadpadaanan ti panagay-ayam ti representative ti Cordillera iti Archery ita nga aldaw nu sadino, mangnamnama ni Madlaing a makagun-od dagitoy ti balitok a medalya a mainayon iti silver medal nga immunan a naala dagitoy.//Bombo Rob Dominguez
