Naituding nga agbisita ni Thailand Prime Minister Srettha Thavisin iti pagilian a Pilipinas ita a tawen para iti panakisinnarakna kenni President Ferdinand “Bongbong” Marcos Jr.
Daytoy ket sigun kenni Thailand’s Foreign Affairs Minister Maris Sangiampongsa nu sadino manamnama a nainget ti agbalin a koordinasyon ti dua a pagilian para iti nasao a panagbisita.
Immuna met a nakisinnarak ni Sangiampongsa kenni Department of Foreign Affairs Secretary Enrique Manalo idiay Makati City tapno pagtalantananda ti maipapan kadagiti nagduduma a banag a pakairamanan ti transnational crime nangruna ket ti Thailand ti kadawyan a hub a pakabikbiktimaan dagiti Pilipino iti iligal a recruitement nu sadino iti udina ket maiyakarda idiay Cambodia wenno Myanmar tapno agtrabahoda kadagiti crypto farms a mangipatpatungpal iti “love scam” modus operandi.
Kabayatanna, napagtulagan ti dua a pagilian a mas pasayaatenda pay dagiti turismo dagitoy ken ti panakaestablish dagiti flights a mabalin nga agturong kadagiti nagduduma a destinasyon ti Thailand para kadagiti Pilipino kasta met kadagiti Thais iti pagilian a Pilipinas.//
