Inlawlawag ni Palace Press Officer Claire Castro a naaprubaran ti travel authority a kiniddaw ni VP Sara Duterte, maysa nga aldaw sakbay ti naituding a panagbiahe daytoy.
Sigun kenni Palace Press Officer Castro, kadawyan a maipapaay dagiti pammalubos no asidegen ti panagbiahe agsipudta, dumaldalan iti nainget a pannakaaprobar ken beripikasyon.
Innayonna nga awan ti travel authority manipud iti bise presidente a saan a napatgan.
Inyunay-unayna nga amin a kiddaw ni VP Duterte a travel authority ket napatgan.
Daytoy ti sungbat ti Malacañang seknan iti kinuna ti bise Presidente a “last-minute” sakbay a naaprobaran ti kiddawna a travel authority.
Maipalagip a nagkiddaw ti bise Presidente iti travel authority para iti personal tripna a paturong sadiay Netherlands, Germany, South Korea, Belgium, ken United Kingdom.
