BAGUIO CITY – Inpatangken ti lokal a gobierno ti siudad ti Baguio a saan a mawaswas ti pammilin seknan iti mas istrikto a panagbantay kadagiti entry points ti La Trinidad, Tuba, Tublay, ken Sablan nga agturong ditoy syudad ti Baguio nangrugi idi November 21 aginggat December 4, 2020.
![](https://img.bomboradyo.com/baguio/2020/11/102842845_927354374345315_1117717510294688788_n-1.jpg)
Sigun kenni City Administrator Engr. Bonifacio Dela Peña, maawatanda ti pakaseknan dagiti umili kadagiti nasao a munisipyo ngem impettengna a para metlang iti pagsayaatan ti kaaduan ti nasao a pammilin.
Kinunana a nangipaayen ni Baguio City Mayor Benjamin Magalong iti konsiderasyon babaen iti pannakaitantan ti panagala iti medical certificate ken napalukayan ti panangsukimat ti pulisya iti nasao a documento tapno maipaayan iti gundaway dagiti umili nga agala iti daytoy.
![](https://img.bomboradyo.com/baguio/2020/11/bgo-baguio-city-logo-3.jpg)
Maipalagip a kiniddaw dagiti opisyal ti Benguet ti pannakaikonsidera wenno pannakaibabawi ti travel restrictions nga inpaulog ni Magalong.