--Ads--
BAGUIO CITY – Nakemmeg ti maysa a tricycle driver kalpasan a naaktuwan ti panangilakona iti shabu sadiay Bangued, Abra idi kanikadua.
Nabigbig daytoy a ni Jefferson Villegas, 30-anyos, residente iti Zone 5, Bangued, Abra.
Natiliw ni Villegas kalpasan a naaktuan ti panangilakona ti iligal a droga iti deppaar ti Magallanes Street, Zone 5, Bangued.
Dumanon iti lima a pakete ti mapapati a shabu ti nakumpiskar kenkuana.
Sigun iti pulisya, saan a karaman kadagiti drug surrenderee sadiay Bangued ni Villegas ngem naduktalan ti panagar-aramat ken panagilaklakona iti iligal a droga.
Sumangsango ita ni Villegas iti kaso a panaglabsing iti RA 9165 wenno Comprehensive Dangerous Drugs Act of 2002.
