BAGUIO CITY – Simmaranta ti industriya ti turismo sadiay Tinglayan, kalinga kalpasan ti dua a tawen a panagrikkep daytoy gapu iti pandemya.
Sigun ken Kalinga Provincial Tourism Officer Lorraine Ngao-i, immado ti bilang dagiti turista a simmangbay sadiay Tinglayanan kagiddan ti in-inot panagsubli ti normal nga operasyon ti turimso kadagiti munisipyo ti probinsia.
Malaksid iti dayta, manarimaan metten iti panangrepaso dagiti provincial LGUs iti access kadagiti tourism infrastructure ken amenities iti nagduduma nga tourism sites sadiay.
Kabayatanna, kinuna ni Tinglayan Municipal Tourism Officer Johnny Tiggangay, dumanon iti 8,292 ti napasangbayda a turista iti umuna nga kwarter ti agdama a tawen.
Maipalagip a maysa ti Tinglayana kadagiti top tourist destination sadiay Kalinga ken umaw-awat ti rinibribo a bilang ti turismo tunggal tawen.
Masarakan sadiay Brgy. Buscalan ti kataengan ken kakaisuna a hand-tapped tattoo artist a ni Apo Whang-od ken ditoy metlaeng a masarakan ti legendary Mt. Mating-oy wenno ti nalatak nga Sleeping Beauty ken dadduma pay.
