--Ads--
BAGUIO CITY – Impanamnama ti lokal a gobierno ti Baguio City a saan a maurnong dagiti basura ditoy siudad kalpasan ti pannakairikep ti Urdaneta Dumpsite gapu kadagiti pakaseknan iti aglawlaw.
Sigun kenni City Administrator Engr. Bonifacio Dela Pena, killaat ti pannakaiserra ti nasao a dumpsite ken naipakaammo laeng kadakuada idi napalabas a lawas.
Kinunana a temporaryo maiturong dagiti basura sadiay Tarlac Dumpsite iti kanito a pirmaan ni Baguio City Mayor Benjamin Magalong ti resolusyon nga ipila ti lokal a konseho.
Inlawlawagna a nangina ti tipping fee iti nasao a lugar isunga panggep dagitoy nga aramiden laeng a kontrata iti uneg ti maysa a bulan bayat a saan pailaeng a naresolba ti pakaseknan ti Urdaneta dumpsite.
