Dumanon iti uppat a dams ti nailukat iti Luzon kas iti Ambuklao, Binga, San Roque ken Magat gapu iti agtultuloy a napigsa a panagbayakabak ti tudo nga intunda ti Super Typhoon a Pepito.
Iti Ambuklao dam idiay Benguet, walo a gate daytoy ti nailukat nu sadino ket dimmanon ti 750.42 a metro ti lebel ti danum kasta met iti Binga dam nu sadino ket dimmanon ti 572.29 a metro ti lebel iti danum.
Kabayatanna, dua a gate ti nailukat iti San Roque dam nu sadino ket dimmanon daytoy iti 277.17 a metro ti lebel iti danum. Bayat a ti Magat dam ket dimmanon iti 181.93 a metro a lebel.
Gapu iti dayta, mabalballaagan dagiti umili nga asideg kadagiti pagdalanan ti maibulos a danum nga agannad ken agridam kasta met ag bagkwit dagitoy nu makitadan a delikado ti situasyon.//Bombo Noveh Organo
