Uppat a drug personalities ti naarestar iti naipatungpal a search warrant idiay Upper Ambiong La Trinidad, Benguet idi laeng January 24, 2025.
Pakairamanan daytoy ti tallo a lallaki ken maysa a babae a pasig nga addan iti ligal nga edad.
Dua kadagiti lallaki ket mangmangged kas laborer, maysa ti mechanic, bayat a ti babae ket maysa nga housewife.
Dua kadagiti drug personalities ti residente iti Upper Ambiong, La Trinidad, Benguet, maysa ti residente iti Apugan, Santo Tomas, Baguio City, ken maysa met ti residente iti Purok 3, Ambiong, Baguio City.
Nakumpiskar kadagiti nadakamat a drug personalities ti 10 a transparent plastic sachets a naglaon iti MOL 40 grams iti maatap a shabu nga aggatad iti PhP 272,000.00; maysa nga improvised plastic tooter nga addaan iti traces iti maatap a shabu;maysa nga improvised plastic tooter a naglaon iti MOL .1 ml iti liquid substance a maatap a liquid shabu nga aggatad iti PhP 6,262.80; ken dua a naluktan a transparent plastic sachets nga addaan metlaeng iti traces iti white crystalline substance.
Malaksid kadagiti nakumpiskar a drug evidence, naala metlaeng manipod kadagiti drug personalities ti sangapulo ket pito (17) a klase dagiti non-drug evidence.
Dagiti nadakamat a drug personalities ket naglabsing iti Sections 6, 7, 11, 12 ken Section 15 iti Article II iti Comprehensive Dangerous Drugs Act of 2002.
Ti nasao nga operasyon ket babaen iti panagtitinnulong dagiti kameng iti Philippine Drug Enforcement Agency-Cordillera Mountain Province Provincial Office, PDEA-Cordillera Kalinga, ken Baguio-Benguet, PDEA-Cordillera-RSET, PDEA-Cordillera- LTIU, ken ti La Trinidad Municipal Police Station.//Bombo Noveh Organo
