BAGUIO CITY – Nadangran dagiti uppat nga indibidual iti napasamak nga aksidente sadiay Abubuyan, Poblacion, Kibungan, Benguet itay malem.
Ti driver ket nabigbig a ni Filmore Esong Sr., 41-anyos bayat a ti pasahero ket da Bernadette Esong, 39-anyos ken dua pay a menor de edad.
Iti inisyal nga imbestigasyon, nagtaud ti lugan manipud Kibungan ken paturong sadiay La Trinidad, Benguet.
Nupay kasta, idi nadanon da ti kurbada a paset ti kalsada ket napukawan ti driver ti kontrol iti steering wheel rason a natnag dagitoy iti agarup 250 meter ti kangato na a rangkis.
Nagsagrap ti driver ken dagiti pasahero iti dunor nu sadino naitaray dagitoy iti Kibungan RHU babaen iti panagresponde dagiti otoridad.
Naiyakar met a dagus ti driver iti Benguet General Hospital para iti panakatamming daytoy.
