Kinumpirmar ni Philippine Ambassador to the United States Jose Manuel “Babes” Romualdez nga inbabawi ti Estados Unidos ti diplomatic ken tourist visas ni Leyte Representative ken sigud a House Speaker Martin Romualdez.
Iti maysa nga interview, inlawlawag ti ambassador a ti pannakarevoke ti visa ni Romualdez ket gapu iti imbestigasyon iti kaso a sangsangwenna seknan iti naanomalyaan a flood control project.
Immunan a nangiruwar ti Sandiganbayan ti precautionary Hold Departure Order (HDO) kontra kenni Romualdez seknan iti reklamo a maatap a plunder, direct bribery, pananglabsing iti Anti-Graft ken Corrupt Practices Act, indirect bribery ken money laundering.
Nupay kasta, nainget a pinaglibakan ni Romualdez dagiti alegasyon kontra kenkuana.
Sigun kenkuana, nakabasar laeng dagiti alegasyon iti panangpolitika ken awan ti umdas nga ebidensya tapno mapaneknekan dagitoy. //bombokaren.c.sapirao
