BAGUIO CITY – Nakasaganan dagiti health workers ditoy siudad ti Baguio a mangisayangkat ti vaccination roll-out wenno panagbakuna apaman a sumangpet iti lokalidad dagiti bakuna kontra iti COVID-19.
Sigun kenni City Administrator Engr. Bonifacio Dela Peña, siento porsiento a nakasagana dagiti medical health workers a bukbuklen ti singkwenta a grupo manipud iti City Health Services Office ken accredited hospitals ti siudad.
Kinunana a gapu iti daytoy ket agtultuloy met ti master listing ken profiling kadagiti agpabakuna kontra iti COVID-19 gapu dumalan paylaeng dagitoy iti validation process.
Imbinglayna nga agarup 90% kadagiti frontliners ket umanamong nga agpabukana kontra iti COVID-19 bayat nga agtaltalinaed paylaeng a nababa ti acceptance rate kadagiti senior citizens ken nakukurapay a pamilya ditoy siudad..
Gapu iti daytoy, impagetgetna nga agtutuloy ti Information Education Campaign dagitoy tapno mapunas ti buteng dagiti umili seknan iti maibagbaga a saan a nasayaat nga epekto ti panagpabakuna kontra iti COVID-19.
