Impatangken ni Venezuelan President Nicolas Maduro nga inosente daytoy manipod kadagiti maiyak-akusar kenkuana.
Iti umuna a gundaway ti panagsango ni Maduro iti korte idiay Manhattan, New York, inkalinteganna nga awan ti nagbasulanna mainaig kadagiti naipila a kaso kontra kenkuana pakairamanan ti narco-terrorism, cocaine importation conspiracy ken ti possession of machine guns and destructive devices.
Inkalinteganna a disente daytoy a tao ken agtaltalinaed a presidente iti pagilianna a Venezuela.
Inkalintegan metlaeng ti asawa ni Maduro a ni Cilia Flores a kadawa a naarestar nga inosente daytoy kadagiti kaso a naipila kontra kenkuana.
Manamnama met a maangay ti sumaruno a panagdengngeg inton March 17.
Maipalagip a kasaruno ti panakaarestar ni Maduro ket naitransport daytoy iti U.S. Navy ship paturong iti Metropolitan Detention Center idiay Brooklyn — pagbaludan a nailadawan nga inhumane.
