Binabalaw ni Vice President Sara Duterte ti gobyerno ti pagilian pakairamanan dagiti House of Representatives gapu iti saanda a panagrisut kadagiti pakaseknan ti Pilipinas kas iti salun-at, seguridad, infrastructure ken foreign interference.
Maibasar iti statement ni Duterte kadagiti muslim community, kinunana a ti pagilian ket idadauloan dagiti opisyales a saan a loyal kadagiti insapatada a pagrebenganda.
Impetteng ni Duterte a rumbeng a dagiti opisyales ket dagiti adda panagisakitda kadagiti tattao ken adda abilidadda a mangpasayaat iti kasasaad ti pagilian.
Maysa pay a binabalaw ti bise presidente ket ti kinakurang kadagiti infrastructure a mangprebentar kadagiti didigra kasta met ti healthcare system a mangpalag-an kadagiti medical expenses dagiti Pilipino.
Innayon ni Duterte a dagiti airport officials ket nasken nga agregget tapno magun-od ti world-class facility a mangipangpangruna iti seguridad ken privacy dagiti amin a pasahero.
Nu pay kasta, dagiti opisyales kadagiti airports ket saanda a magipatpatungpal iti umno nga imbestigasyon bayat a saanda pay a mangiruar iti video footage, flight details ken daduma nga impormasyon.
Iti sabali a bangir, maipalagip a kabayatan ti panagdalapos ti bagyo a Carina ken ti Southwest Monsoon ket naimatangan ni Duterte a paturong iti sabali a pagilian para iti personal tripna.
