Napukawan iti defence lawyer ni Vice President Sara Duterte, kagiddan ti panakaarestar ti amana a ni sigud a President Rodrigo Roa Duterte idi Martes, sigun kenni Representative Raul Bongalon.
Itay napalabas, immunan a naipakaamo a maysa kadagiti agserbi kas defence council ni Sara iti panagsangona iti impeachment trial daytoy ket ti amana.
Gapu iti dayta, kinuna ni Bongalon a dakkel ti agbalin nga epekto daytoy iti defence council ni Sara nangruna ket mangrugi inton Hunyo ti panakaadal iti impeachment ti bise presidente.
Kabayatanna, impeksa ni Bongalon nga umdas ti ad-adalen daytoy nga articles para iti panaka-impeach ni Vice President Duterte.
Daytoy ket mainaig iti panangsuhol wenno bribery ken ti saan nga umno a panakaramat ti confidential funds daytoy.
Kinuna ni Bongalon nga naiwaras metten ti panakaadal dagiti articles kadagitoy.
Iti sabali a bangir, no adda ti mainayun nga ebidensya partikular ti extrajudicial killings ket mabalin a mangpapigsa daytoy iti kaso kontra kenni Sara.
