--Ads--
Nangabak ni Vladimir Putin kas presidente ti Russia kas maibasar iti first official result a naipablaak idi kalman.
Iti panakaala manen ni President Vladimir Putin iti posisyon, mapatta-patta nga adda a mas ingetenna pay ti bileg daytoy.
Daytoyen met ti mabigbig kas “Russia’s longest serving leader” agsipud nagtugaw daytoy iti tawen 1999.
Kabayatanna, nagprotesta ti rinibrino a katao sadiay Russia idi kalman kagiddan ti eleksyon ti nasao a pagilian.
Nangisayangkat ti supporters ni Alexei Navalny ti “Noon against Putin.”
Ni Navalny ti kalaban ni Putin iti kina-presidente a pimmusay iti pagbaludan idi napalabas a bulan.
Impakitada no kasano a saanda nga aprobado kenni Putin kas corrupt nga opisyal.
