Inwaragawag ni Vice President Sara Duterte nga agbalin a professional ti Department of the Interior and Local Government (DILG) seknan iti panangideklara iti suspension ti klase ken trabaho kabayatan ti saan a nasayaat a sasaaden ti panawen.
Sigun kenni Vice President Duterte, rumbeng a propesional dagiti institusion ti gobierno iti panangipaayda iti mensahe, ken sabali daytoy iti personal views.
Daytoy ti sumagmamano kadagiti komento ni VP Sara, seknan iti social media post ti DILG Philippines a binabalaw ti netizens.
Nupay kasta, immuna a kinuna ni DILG Secretary Jonvic Remulla a ti importante ket napakaammuan ti publiko kadagiti masapul a maammuanda, no sadino dagiti napeggad a lugar, ken no siasino ti saan a rumbeng a sumrek.
Kabayatanna, indepensa ni President Ferdinand “Bongbong” Marcos Jr. ni DILG Secretary Jonvic Remulla kalpasan ti kritisismo a naawat daytoy.
Sigun kenni President Marcos Jr., ti importante ket naipadanun ti pakaammo wenno impormasyon.
