Impakaammo ni Senate Secretary Jose Luis Montales a naipaayan ni Vice President Sara Duterte iti agingga June 1, 2026 tapno mangipila iti sungbatna iti Articles of Impeachment kontra kenkuana.
Iti advisory idi Domingo, May 31, kinuna ni Motales a mabalin nga ipila ni VP Sara ti sungbatna iti “electronic mail” manipud 8 a.m. agingga 7 p.m.
Daytoy ket personal wenno babaen iti legal counsel daytoy.
Sigun kenni Montales, mapaingtan ti panagturong iti Office of the Senate Secretary a pakaawatan ken pannakaproseso ti sungbat ti bise presidente.
Limitado metlaeng daytoy para kadagiti autorisado nga opisial ti Impeachment Court ken kameng ti legal team ti Bise Presidente
Naipanamnama ti escort iti Quezon ken Tolentino conference rooms para iti anya man a press briefing wenno media interaction.
Limitado metlaeng iti second floor ti media access para iti security ken operational reasons.
Nabilin metlaeng ti Senate Office of Senate Sergeant-at-Arms a siguraduenda ti pannakaipatungpal dagitoy a pagannurotan.
