Silulukat ni Vice President Sara Duterte nga iparebyu kenni Ombudsman Jesus Crispin Remulla ti Statement of Assets, Liabilities and Networth (SALN) daytoy.
Iti maysa nga interview, kinuna ni Vice President Sara a saanen a kasapulan a siripen ni Remulla ti SALN daytoy nu di ket maipaay lattan iti sangwananna tapno maadalna a naimbag.
Maipalagip nga inkari ni Remulla nga mangi-institute daytoy kadagiti reporma tapno agtalinaed ti opisina daytoy a napudno iti serbina nga antigraft watchdog.
Dagiti reporma ket pakairamanan ti panakaipakita iti publiko dagiti SALN dagiti opisyales iti gobyerno kasta metten ti lifestyle checks para kadagitoy.
Karaman kadagiti dinakamatna a panggepda a maakses ti SALNna inton umay a lawas da sigud a president Rodrigo Duterte, President Ferdinand Marcos Jr., ken ni Vice President Sara Duterte.
Kabayatanna, impeksa met ni VP Sara a nu daytoy ti presidente ket saanna a dutukan ni Boying Remulla kas Ombudsman.
