--Ads--
Impetteng ni Vice President Sara Duterte nga awan ti imbaga ken kiniddawna nga aglusulos ni President Ferdinand Marcos Jr.
Sigun kenni Vice President Sara, awan ti pagbanagan ti maipukpukkaw a “Marcos Resign” gapu ta sigun kenkuana ket saan nga aglusulos ti presidente nu sadino, inyarigna daytoy ken daydi sigud a President Ferdinand Marcos Sr. a nagtugaw iti takem iti dua a dekada.
Gapu iti dayta, kinuna ni VP Sara a kidkiddawenna kenni President Bongbong Marcos a tungpalen daytoy ti pagrebbenganna gapu ta patienna a saan nga agtigtignay ti presidente.
Malaksid iti dayta,kinuna ti bise presidente nga imbes nga aglusulos ni President Marcos Jr.,agpaipasidong laengin daytoy iti drug test nga agingga iti agdama ket saan pay a natungtungpal.
