Naapresyar ti wagas ti panangpasangbay ti Cebu City kadagiti delegasyon a makipaset iti 2024 Palarong Pambansa.
Iti panakiuman ti Bombo Radyo kenni Harris Dinamling, Technical Official ti Palarong Pambansa 2024, kalidad dagiti pagdagusan ken billeting areas a naipaay kadakuada nu maibasar iti inisyal nga assessmentda.
Nupay kasta, dinakamat ni Dinamling a naaddaan dagitoy ti bassit a problema iti outlets ngem natarimaaan metten dagitoy iti agdama.
Kabayatanna, nangipatungpal met ti nabiit a taripnong ti tournament director dagitoy nu sadino napagtalantanan ti maipapan iti playing venues a pakadutokanda.
Innayon ni Dinamling nga adayo ti distansyada iti playing venues nu sadino dumanon iti agarop dose a kilometro rason nga kiniddaw ti tournament officer dagitoy a nu mabalin ket maiyakarda iti asideg ti playing venues.
AGPAPAREQUEST JAY TOURNAMENT DIRECTOR MI nga NU MABALBALIN KOMA MAIYALIS KAMI IJAY ASIDIG TI PLAYING VENUES MI, TA MEJO JAY DISTANCE NA GAMIN KET MGA 12 KILOMETERs
Harris Dinamling-Technical Official – Palarong Pambansa 2024
Nupay kasta, maur-uray paylaeng ti panakaaprobar daytoy kadagiti maseknan nga opisyal ti nasao a pasalip.
Naimandato met a makipaset dagiti technical officials iti opening inton Hulyo a Nueve iti agdama a tawen.//Bombo Rob Dominguez
