Inyunay-unay ni President Ferdinand “Bongbong” Marcos Jr. a napateg a maadal ti wage hike agsipudta makaapekto daytoy iti ekonomiya iti pagilian.
Sigun kenni President Marcos Jr. napintas a maipangato ti sweldo dagiti mangmangged.
Nupay kasta, kasapulan a maadal daytoy gaputa maapektaran ti panagdur-as ti negosio, trabaho ken ikonomiya.
Gapu iti dayta, impetteng ni President Marcos Jr. a kasapulan a maadal daytoy a nasayaat.
Daytoy ti kinuna ti Presidente kagiddan ti pannakarambak iti 123rd Labor Day celebration ita nga aldaw, May 01, 2025
Kabayatanna, inkari daytoy a mataming dagiti pakaseknan dagiti mangmangged seknan iti nasaysayaat a sweldo babaen ti Regional Tripartite Wages and Productivity Boards.
Impaganetget ni Marcos a natibker ti administrasionna iti panagkumitna a mangsalaknib ken mangparang-ay iti pagimbagan dagiti trabahador bayat ti panangitandudona iti inclusive economic development.
