![](https://img.bomboradyo.com/baguio/2024/07/Typhoon-Carina.jpg)
Dumanonen iti walo nga indibidual ti pimmusay iti pagilian kas maibasar iti datus ti National Disaster Risk Reduction and Management Council gapu iti bagyo a Carina ken Butchoy kasta metten ti Southwest Monsoon wenno Habagat.
Manipud iti nasao a bilang, pito kadagitoy ti nakumpirmar a pimmusay, amin dagitoy ket manipud Mindanao: uppat idiay Zamboanga ken saggaysa idiay Northern Mindanao, Davao, ken Bangsamoro Autonomous Region in Muslim Mindanao (BARMM).
Maberberipikar pailaeng ti maysa a kaso idiay Bangsamoro Autonomous Region in Muslim Mindanao
Uppat a biktima ti pimmusay gapu iti trauma ken suffocation idi natrapda gapu iti napasaran a panagreggaay idiay Barangay Pamucutan, Zamboanga City.
Maibasar pay iti datus ti National Disaster Risk Reduction and Management Council, inapektaran ti bagyo a Carina, Butchoy ken habagat dagiti 866,483 nga indibidual wenno 179,744 a pamilya idiay MIMAROPA, Western Visayas, Central Luzon, Zamboanga, Northern Mindanao, Davao, Soccsksargen, Caraga, ken Bangsamoro.
Manipud iti nasao a bilang, 33,645 nga indibidual wenno 7,738 a pamilya ti agtaltalinaed ita kadagiti evacuation centers.
Agarup 69 a babbalay ti totally damaged bayat a 167 a babbalay ti partially damaged.