--Ads--
BAGUIO CITY – Nakemmeg ti maysa a welder iti buy-bust operation nga insayangkat dagiti otoridad sadiay Betag, La Trinidad, Benguet idi kalman.
Nabigbig daytoy a ni Denly Ogas Buayan, 48-anyos, naasawaan, tubo ti Bokod, Benguet.
Nakumpiskar kenkuana ti maysa a pakete ti mapapati a shabu, maysa a caliber 45 ken dua a magazine nga addan maysa a bala.
Sumangsango ita ti suspek iti nagtuon a kaso ti panaglabsing iti RA 9165 wenno ti Comprehensive Drugs Act of 2002 ken iti RA 10591 wenno ti Comprehensive Firearms and Ammunition Regulation Act.
